Vi Hoa - Lênhx nghệ sỹ chox maix lais njuôz

Nghês sir Pêx xinhv Vi Hoa

Thâuv tsinhv nhoz sâuv trôngx tsêr cơưv, suôz gâux đror jông ntơưv muôv lo nâu lênhx nhiv. Uô kangz cơưv tangs, Vi Hoa thor môngl uô nuv ntơưv Pangz nghês thuôx Phongx không haz tov kangz nuôr thor lus uô nuv ntơưv Pangz nghês thuôx Bôx đôis Biên phongx. Đrul 30 shông tuz trok, sir tangs đăngs jul ntơưv zus trâu nghês thuôx, muôv cênhz zus chor đôngx nghiêps tsi langx phiv liv môngl biêuv jiênr, phux vus chor tuz trok, tsôngv box minhx cxưx nênhs tsơưs nhoz qơư buôs đriv, har tsưr. Vi Hoa lo ntâu lênhx nênhs nhiav đhâu chor jăngx gâux xưs li “Tình ca Tây Bắc”, “Phiên chợ vùng cao”, “Chiều biên giới”, “Mùa xuân gọi bạn”, “Bản tình ca nơi biên cương”... Muôv tsinhv zos nghês sir tưz lo nhênhx ntâu hui chương Cuz ntơưv chor jas hôix jiênr văn nghês tangs têz qơưs shông 1994, 1995, 1996, 2000. Tiv zix, shông 1996, Vi Hoa lo côngz bê “Suôz hu gâux cuz  ASEAN” thơưx jas hlo ntơưv Việt Nam, “Lênhx nênhs hu jăngx gâux Việt jông hlo” hur Jas tưr nhax thinhr phongx tangs têz qơưs jas tiv I ntơưv đrôngl Hồ Chí Minh. Shông 2000, muôv lo khơư spuz côngz bê Nghês sir ưu tur. 15 shông uô kangz, chor pangz mangx tsi gênhs ntơưv muôv lo sâu ndu bâuv côngz bê Nghês sir Pêx xinhv...

Hồ Mai (t.h)