 |
Bí thư Xênhr wiv tơư kra, thơưx chox cxuô cơ cuan, đơn vix, nhênhx tsach nhiêms cangr canr bôx, nhân viên. Ảnh: Ngô Đồng |
Tangs cil 12/7, Đăk Nông tưz muôx 3 lênhx nênhs mangl moz Covid-19 ntơưv hênhx Krông Nô haz hênhx Đăk R’lâp. Cil txus ca moz 26004 ntơưv thix trân Kiến Đức, hênhx Đăk R’lâp, nganhx Y têr tưz tâul kangz nrar tâu 27 F1, 180 F2 haz yangx 200 F3. Ca moz 28474 ntơưv xar Đăk Sôr, hênhx Krông Nô tưz tâul kangz nrar 12 lênhx F1, 51 F2 haz tangz tov nrar nzir chor nênhs cil txus; hos ca mor kror nhis pâuz ntơưv xar Đăk Wer, hênhx Đăk R’lâp (tsi tâu muôx mar xur) nhis nuôr tưz tâul kangz nrar tâu 13 F1 haz tangz tov nrar, tâul kangz nrar, sox seiz. Trơưs ntâus grê lus tinhx hinhx moz Covid-19, Đăk Nông nhis nuôr zos xênhr “ngui cơ saz”.
Xâuk kangz ntơưv jas cơưv chei, Bí thư Xênhr wiv Ngô Thanh Danh cuôs tangs nro hêx thôngr tsinhz chei haz cxuô cxênhx Pêx xinhv côngv phangx tangs đrul tinh thânx tsach nhiêms, sir jul saz hlo, chênhr phangx saz hlo. Chinhr cuênx cxuô cxênhx, cxuô nganhx tsưc năng tsuv uô jông tsach nhiêms nênhs uô thơưx hur phangx tangr moz. Thâuv muôx ca moz, cxuô trôngx qơư tsuv sir jul xor thangx tsangv, tâul nrar, cxênhz seiz, tuô cangz moz, tsi chia cil txangr hur côngx đôngx. Tsov cưv cêv kuôl tox tsongs tangs nro chor nênhs lus ntơưv đrôngl Hồ Chí Minh. Nganhx Y têr bangx cxuô điêux ciêns lus tiz nênhs, cơ sơv vats tsât, trang thiêt bis… chia sănr sangx, chênhr phangx tsov cưv cêv kuôl chor nênhs lus ntơưv đrôngl Hồ Chí Minh.
 |
Ban Tơư kra Phangx tangr moz ntơưv tiz nênhs xênhr Đăk Nông seiz shuôs moz ntơưv Đăk R’lâp. Ảnh: Hồng Duyên |
Bí thư Xênhr wiv tơư kra, thơưx chox ntơưv chor cơ cuan, đơn vix nhênhx tsach nhiêms cangr canr bôx, nhân viên, bur chir chor nênhs uô hâux lưv trưx tiêp huv, khuênr khich uô hâux lưv trưx tuênr. Nênhs uô thơưx trôngx qơư, đơn vix tsuv nhênhx tsach nhiêms zos chia canr bôx, nhân viên cil mangl moz Covid-19 zos tuôv mov, tsi chênhr phangx. Chor sơv, ban nganhx, đơn vix, nhoz txix tsưc năng, hâux lưv tsuv cênhz đrul đrăngx đrênhk uô jông hâux lưv phangx, tangr moz.
Wiv ban MTTQ xênhr cênhz đrul tsov cưv kruôz hu thêv nhiax pangz Pênhr phangx, tangr moz Covid-19 ntơưv xênhr, chia zuôr văc xin haz trang thiêt bis, vâts tư y têr pangz mangx phangx, tangr moz; phat hui tinh thânx nhân văn, siz hluz pangz nênhs pluôl, chor nênhs txov nhev mangl cxuôv hav viv cangz moz.
Bảo Ngọc