Camera đăp mpăn ta n'qual Dak Glong n'sĭt uĕh tâm nau kan
Rnă njrăng - N'gang chiă mât bri dak - Ngày đăng : 15:26, 30/12/2022
Yor gĕh camera đăp mpăn dơi bu dŏng lĕ sâm kơl, bư gĕh nau kan nơih gơi phung công an ksiêm, mât ăp ntil nô nau gĕh tâm n'qual. Tă bơh nĕ, ngăch gĭt saơ, ngăch nhưp ăp phung gĕh nau tih; dơi ăp m'bŭch, ăp ntŭk kan n'hanh Bu nuyh bon lan r'nê, lah uĕh.
Tĕng Thượng tá Nguyễn Xuân Hùng, Kô ruanh Công an n'qual Dak Glong, nau kan dơm camera đăp mpăn aơ dơi kuăl dăn prăk tă bơh bon lan nĕ aơ jêng nau kan di n'hanh nau kan uĕh tâm nau rêh abaơ... Năm 2022, yor dơi gĕh camera đăp mpăn sâm kơl nĕ nô nau phung gĕh nau tih trŭnh 47% đah năm 2019, trŭnh 6,5% đah năm 2020.
Ta ăp năm bơh kơi aơ, Công an n'qual mra kuăl jă tay bu nuyh bon lan sâm kơl prăk dơi dơm camera đăp mpăn ta ăp ntŭk gŭ bu nuyh bon lan, sâm kơl mât uĕh lăng đăp mpăn nau rêh bon lan...
 |
Công an xă Dak P'lao uănh camera đăp mpăn, gơi joi gĭt nô nau đăp mpăn uĕh lăng tâm bon lan |
 |
Công an xă Dak Ha dơm gĕh 24 camera đăp mpăn gơi mât mray đăp mpăn nau rêh ma Bu nuyh bon lan |
 |
Ntŭk rêh bon lan ta xă Quảng Sơn dơi bu dơm camera đăp mpăn |
 |
Ta ăp ntŭk trong tâm mâp mpeh tâm lam n'qual dơi bu dơm camera đăp mpăn |
 |
Jêh uănh rup ta camera đăp mpăn, Công an xă Quảng Khê ngăch saơ joi che roh nau mĭn, hăn hươt trong sĭt ta r'năk sa |
Minh Huyền