N'sĭt nđăp mpăn prăk yor tăm ăp ntil tơm
Wăng sa - Ngày đăng : 15:46, 30/12/2022
Yor saơ nau kan tăm ăp ntil tơm n'sĭt âk prăk tâm nau wăng sa, ndăn dŏng lĕ r'ngôch neh ta r'năk sa, nô Ðỗ Ðăng Bình, thôn Phú Tiến, xă Dak Nang (Krông Nô) lĕ jănh dŏng prăk nsu, n'hao nau kan tăm ăp ntil tơm.
Ðah 5 hec ta neh, bơh đah tăm ca phê, nô Bình hôm tăm ăp ntil tơm play. Tâm nĕ, nô tăm gĕh 600 tơm sầu riêng, 600 tơm bơ 034 n'hanh ăp tơm play bă bă gĕh tơm soài, hồng xiêm, tơm khoăr... Gơi mât chăm ăp ntil tơm nơih, nô nsrôih joi, ôp nti n'hanh tĕng kơt nau ntĭm khoa học -kĩ thuật lăp tâm nau kan nĕ ăp ntil tơm nô tăm hao jêng, gĕh âk play. Năm 2022, jêh tâm prăk dŏng pah kan lor, r'năk nô Bình gĕh n'sĭt rlau 500 r'keh prăk tă bơh nau kan tăm ăp ntil tơm.
 |
Nô Bình mât chăm ăp ntil tơm tĕng nau kan hữu cơ, đăp mpăn sinh học gơi tơm tăm ngăch hao jêng, iê gĕh tu ndrŭng sa |
 |
Nau kan tăm ăp ntil tơm sâm kơl nô Bình têm nkrem neh, n'sĭt đăp mpăn prăk tâm nau kan ân ma r'năk sa |
Y Sơn