Bu ndăm dơi ndâk njêng nau kan tă bơh tơm rpŭng tôk
Wăng sa - Ngày đăng : 15:45, 30/12/2022
Dăch dŭt khay 4/2022, Huy joi n'hanh manh gĕh 150 r'keh prăk dŏng 900 met vuông neh gơi nkra wâl măt nar tăm 2 ntil rpŭng aơ. Tân r'văt ăp ntil ndơ gơi ndâk njêng nau kan: nkra dĭng tŏ dak ân truh iê iê, công nghệ tuần hoàn sinh thái ta wâl măt nar, phân hữu cơ... Tân hôm dơm quạt mpruh rsial, su ŭnh ân nhhuch gơi mpô mpa du, bư C02 gơi tơm rpŭng ngăch jêng, gĕh âk play, play uĕh, n'sĭt uĕh ma nau wăng sa.
Tĕng nô n'kôch, nau kan tăm, mât chăm tơm rpŭng tâm 60 - 65 nar dơi gĕh pĕ ntơm 2,5 - 3 tân play, đah r'noh tăch ntơm 35.000 - 45.000 r'băn du kí. Jêh tâm prăk dŏng pah kan lor, Tân gĕh n'sĭt 70 r'keh prăk du tâ tăm. Tâm du năm, Tân tăm gĕh 3 tâ rpŭng tâm wâl măt nar; tâm r'gâl lah tăm du tâ rpŭng tôk Hoàng Kim tât tâ bơh kơl păng tăm rpŭng tôk Hàn Quốc. Tơm tăm n'hanh rpŭng jêh dơi gĕh công ti tăch r'văt nĕ păng mô r'vê kâp tăm n'hanh mât chăm dơm...
Mhe aơ, ntil nau kan tăm rpŭng nô Tân dơi lăp vòng bán kết nau tâm rlong Ndâk njêng nau kan Druh ndăm tâm bri bon năm 2022 yor Trung ương Ðoàn Druh ndăm Hồ Chí Minh ndâk kan. Tân dơi N'gor đoàn Dak Nong r'nê lah Bu ndăm leo lor tâm nau kan nti n'hanh kơt tĕng nau Wa ntĭm, tâm năm 2020 - 2022.
 |
Dơm dăk nhŭp mpô mpa chuh sa play rpŭng |
 |
Dơm măy mpruh rsial ân ma tơm rpŭng |
 |
Nkra wâl măt nar gơi tăm rpŭng tĕng công nghệ r'gâl mhe |
A Trư