Cui trinhx tsov cưv bâux cưv đaix biêuv Cuôr hôix, HĐND hur nôngz nhôngl Covid-19

Tsov cưv ntơưv thangx tsangv tso flâur (phongx tso flâur)

Cxuô trôngx qơư tưz sangx trâu nuz bâux cưv. Ảnh: Y Krăk

Keiz 1: Thanhx viên tsov cưv phux tsach bâux cưv haz chor nênhs cil txus lo njuôl chêr sur, nzuôr têk tuô cangz moz uô ntêx môngl kror qơư uô hâux lưv.  

Keiz 2: Cưv tri tuôx txus qơư bâux cưv tsuv môngl lơưr hangx, chox ntâuz bul ndâux, cêr kuôl đêz tsơưs hlo 2 met haz lo njuôl chêr sur uô ntêx môngl txus trôngx tol txaik. 

Zos cưv tri chêr binhx thươngx mas kra cưv tri môngl txus thangx qơư tuô cangz moz ntơưv têk. Zos puv cưv tri chêr cuz los sis gru, thanhx viên tsov cưv bâux cưv haz chor nênhs cil txus zuôr yangz xur trâu cxuô lênhx cưv tri tsi lo môngl lus, chox tangv siv cưv tri môngl thangx tsangv cêv kuôl tamx tưz lo bangx; njuôl seiz kuz ndâux haz uô trơưs chor tsưr ziv phangx tangr moz. 

Keiz 3: Ntơưv thangx tsangv lu ntơưr sâu bê cưv tri haz tiêuv sưv nênhs ưngr cưv chia cxênhz seiz haz nrar pâuz lus nênhs ưngr cưv. 

Keiz 4: Ntơưv trôngx thu thev cưv tri haz phaiz flâur bâux cưv, cưv tri ru thev cưv tri: 

- Thanhx viên tuv bâux cưv cxênhz seiz thev cưv tri, sox njuôl ntơưr sâu bê cưv tri, phaiz flâur bâux haz kra cưv tri keiz txuôl nzir. Cưv tri tror kangz nhênhx thev cưv tri haz môngl trâu thangx tsangv sâu flâur bâux. 

- Thanhx viên tuv bâux cưv kra cưv tri nzuôr têk yuôx tuô cangz moz, chox ntâu bul ndâux, cêv kuôl đêz tangs nro hur ntu tso flâur. 

Keiz 5: Ntơưv thangx qơư sâu flâur bâux, cưv tri sâu flâur bâux cưv tangs haz nzuôr têk tuô cangz moz thâuv môngl đhâu trôngx sâu flâur cưv. 

Chênhr phangx: Chor nênhs tsuv pangz sâu flâur, thanhx viên tuv bâux cưv tsuv nzuôr têk tuô cangz moz trơưs cui đinhs. 

Keiz 6: Ntơưv xangz flâur, cưv tri tso flâur trơưs kra haz đamv bov cêv kuôl tsơưs hlo 2 met so li tus nênhs uô ntêx haz nênhs uô kangz. 

Keiz 7: Uô kangz cưv tri tso flâur:  

- Thanhx viên tuv bâux cưv kra cưv tri muôz thev cưv tri trâu tuv bâux cưv chia ntâus zênhv “Tưz tso flâur” trâu thev cưv tri.

- Kra cưv tri nzuôr têk tuô cangz moz haz đamv bov cêv kuôl thâuv tơưv lus trơưs kra. 

Quốc Sỹ

Quốc Sỹ