Bư brah kuăl huêng bu ur gĕh bŭn bơh bu nong Giáy

Bri dak - Kon bu nuyh - Ngày đăng : 10:21, 03/08/2017

Tĕng nau way mĭn tâm nau rêh bu nuyh Giáy, nau gĕh bŭn n’hanh deh kon bơh du huê bu ur tâm rnglăp ndrem n’đơn n’kôch nau gĕh trôk neh. Ka lơ trôk gĕh du vươn kao têh đah ăp ntil tơm kao, ăp tơm kao prêh đêh êng êng, mô gĕh mau tâm kơt, lah du mlâm kao nĕ kơp jêng du huê huyêng bu nuyh kon se.

Bơh đah poăch iăr, pêp, play ăp ntil ndơ dŏng bư brah gĕh tay ăp ntil banh kal e bơh bu nuyh Giáy rklâm…

Dôl ma gĕh bŭn, huêng bu ur gĕh bŭn lăp tâm vươn kao, joi du tơm kao uĕh, huêng kao nĕ lăp tâm ndul bu ur gĕh bŭn gơi jêng du huê kon bu nuyh tâm ndul. Huêng bu ur gĕh bŭn mât rong huêng kon nĕ tât ta mông deh. Yor nĕ, dôl ma gĕh bŭn, gĕh 2 ntil nau bư brah wâl bu klô bư ma măn păng: kual huêng jê n’hanh kuăl huêng têh. Bư brah kuăl huêng jê lah ta mông bu ur mhe gĕh bŭn 3 khay gơi mbơh ma bu nuyh tâm wâl gĭt lĕ gĕh bŭn n’hanh dăn brah yang ân gĕh nau dăng săk jăn, mô gĕh rlêh bŭn. Kuăl huêng têh lah bu ur gĕh bŭn lĕ 8 khay gơi dăn brah yang ân deh di nar khay n’hanh nau deh kon uĕh mô gĕh nau jêr.

Bình Nhi (t.h)

Bình Nhi (t.h)