Nau way bư brah kah gĭt Hùng Vương ta Phú Thọ

Bri dak - Kon bu nuyh - Ngày đăng : 16:42, 20/04/2022

Năm 2012, UNESCO r'nê lah uĕh "Nau way bư brah kah gĭt Hùng Vương ta Phú Thọ" jêng Di sản văn hóa phi vật thể mpơl lam ăp kon bu nuyh. Aơ jêng di sản tơm gĕh bơh Việt Nam dơi r'nê lah uĕh ta ntil nau way. Tâm nau mĭn nuih n'hâm bơh bu nuyh Việt, Adăch Hùng jêng ăp jrŏng rnoi, gĕh n'hâm suan ndâk njêng bri dak n'hanh mât bri dak. Gơi kah gĭt n'hâm suan ăp Adăch Hùng, Bu nuyh bon lan lĕ ndâk nkra wâl bư brah kah gĭt (Ntŭk têl nô nau kăl e đền Hùng) tâm klang lah yôk Nghĩa Lĩnh n'hanh sŏk lơ âm 10 khay 3 ăp năm jêng nar bư brah kah gĭt Jrŏng rnoi.

Ntŭk têl Ðền Hùng klơ yôk Nghĩa Lĩnh

Nau way bư brah kah gĭt Hùng Vương gĕh ăp ntil nau rbŭn bư brah, drăp ndơ njŭn, sĭt ta ntŭk tô tơm jrŏng rnoi n'hanh ăp ntil nau pah kan bă bă dơi ndâk kan ta rlau du rhiăng bon lan ta n'gor Phú Thọ n'hanh ăp n'gor bă bă tâm bri dak. Nau bư brah aơ mpơl saơ nuih n'hâm kah gĭt ma jrŏng rnoi, nau way kon bu nuyh "ngêt dak kah gĭt ma ntu" n'hanh n'hao nau kh'lay nuih n'hâm bu nong n'hanh tâm r'nglăp lam bon lan. Abaơ lam bri dak gĕh 1.417 ntŭk têl bư brah kah gĭt Hùng Vương n'hanh ăp phung kô ruanh ta năm khay Hùng Vương.

Rbŭn bư brah kah gĭt Jrŏng rnoi Hùng Vương dơi ndâk kan ta ăp đình, đền kah gĭt Adăch Hùng lam ăp ntŭk tâm bri dak, tâm nĕ gĕh nau rbŭn têh ngăn ngăn dơi ndâk kan ta ntŭk têl nô nau kăl e đền Hùng

Hồ Mai

Hồ Mai