Kông an xă Quảng Trực lĕ n'hâm suan pah kan n'jrăng, n'gang nau ji tưp Covid-19
Rnă njrăng - N'gang chiă mât bri dak - Ngày đăng : 10:34, 08/12/2021
Yor nĕ nau ji tưp aơ, bơh đah mât đăp mpăn nau rêh bon lan tâm xă, phung kông an xă Quảng Trực mbơh dăn nau kan ma Ðảng, Ủy ban Bon lan xă ndâk ăp ntil nau kan n'jrăng, n'gang nau ji tưp tâm nĕ gĕh nau kan n'king, mât ntŭk gĕh nau ji âk gơi mô ân tâm tưp tât năm bon lan. Phung kông kan pah kan kơl phung kan y tế tĕng joi ăp bu nuyh F1, F2; ndâk 4 ntŭk mât ksiêm bu nuyh luh lăp tât tâm xă, bu nuyh mô gĕh nô nau mô ân lăp ta ntŭk bu dôl nking.
 |
Phung kông an pah kan trực ta ntŭk bu n'king mât nau ji |
Kông an xă n'hanh n'gâng kan bri dak, phung ka kan mât n'har bri kơl r'văt ndơ sa ân ma rlau 50 r'năk gĕh nau rêh jêr jŏk tâm mpeh gĕh nau ji. Bơh đah nĕ phung kông an xă hôm pah kan ndrel ăp m'bŭch kan, phung kan sâm kơl bu nuyh bon lan tăch drăp ndơ gĕh bư mir jan ba (ca phê); kơl nkra điện, ndơ dŏng tâm mpeh bu n'king mât nau ji.
 |
Kông an xă ndâk nau kan mbơh ntĭm ăp r'năk pah kan ân di nau kan cách ly ta wâl |
Yor nĕ, ntơm lơ 2/12 tât abaơ, r'noh bu nuyh dương tính mô hôm gĕh; ăp bu nuyh F1 cách ly ta wâl uĕh lăng n'hâm suan, mô saơ nau ji rĭ aơ n'hanh đăp mpăn nau rêh ta ăp nar cách ly.
 |
Phung kông an xă kơl ân ndơ sa ma ăp r'năk gĕh nau rêh jêr jŏk |
Bảo Ngọc-Hồng Thắm