Lĕ n'hâm suan nhŭp bu gĕh nau tih "tín dụng đen"

Rnă njrăng - N'gang chiă mât bri dak - Ngày đăng : 11:58, 21/04/2022

Uănh kơp nau kan "tín dụng đen" jêng tô tơm bư gĕh ăp ntil nau jêr tâm bon lan, tâm ăp năm lĕ lăn, Kông an n'gor ntĭm gai kông an ăp n'qual, bon têh nchŭn phung kan, uănh kơp, ndâk lĕ r'ngôch nau kan, tâm lơh đah phung gĕh nau tih ân manh prăk sŏk âk prăk kon, dŏng nau kan dơn ndơ, ân manh prăk tih nau way pháp luật. Yor nĕ saơ nao nao n'hanh tâm lơh đah phung ân manh prăk sŏk âk prăk kon đah r'noh prăk ân manh gĕh rlau bar pe r'me prăk, sâm kơl mât đăp mpăn bri bon, mât uĕh lăng nau rêh ta ăp n'qual tâm bon lan.

Phung Kông an nhŭp ta ti Phạm Thị Huyền (deh năm 1986) n'hanh 2 he ur sai K'Krang (deh năm 1965), H'Dô (deh năm 1970), rêh ta n'qual Dak Glong gơi ksiêm, ôp nê nê nau kan ân manh prăk sŏk âk prăk kon

Phung kông an ngăch pah kan ndrel ma ăp m'bŭch kan bă bă n'hao nau kan mbơh ntĭm ăp Bu nuyh bon lan nau way kan, nau pah kan n'hanh nô nau mô saơ uĕh bơh nau kan manh prăk ta nau kan "tín dụng đen"; ngăch gĭt ăp ntil nô nau, mât nâp nau rêh bu nuyh bon lan, phung gĕh nau tih, tâm nĕ gĕh bu nuyh gĕh nau tih hình sự, nghiện ma túy, druh ndăm mô iăt nau... gơi trŭnh tay bu nuyh kan ân manh prăk mô rĭ kơl kan "tín dụng đen", bu nuyh dơi bu manh đă sŏk prăk.

Lê Văn Tuấn (deh năm 1975), ntŭk rêh ta phường Nghĩa Phú, bon têh Gia Nghĩa bu nhŭp ksiêm, ôp nê nê nau kan ân manh prăk sŏk âk prăk kon

Bảo Ngọc

Bảo Ngọc