N'jrăng bu ntŭng mpô mpa rong

Rnă njrăng - N'gang chiă mât bri dak - Ngày đăng : 16:42, 20/04/2022

Tâm ăp khay lĕ lăn, ta ăp n'qual tâm lam n'gor way gĕh âk nau bu ntŭng roh mpô mpa rong tâm r'năk bu nuyh bon lan. Nau kan bơh phung "ntŭng" lah uănh ăp r'năk gĕh rong ndrôk rpu, kâp bu tơm wâl mô n'jrăng khăn păng hăn ntŭng, sŏk rdeh rdeng mpô mpa gĕh ntŭng hăn tăch.

Lah mbơk mpô mpa ta ndrênh he gŭ chiă gơi mô gĕh bu ntŭng ndrôk rpu

Nau gĕh bu ntŭng mpô mpa aơ yor lah bu nuyh bon lan way mbơk ndrôk rpu joi sa êng; ndrung rong mô saơ nâp mô rĭ dơi nkra dăch trong têh n'hanh ngai ma wâl... Yor nĕ, bu nuyh bon lan he hao nau n'jrăng mât drăp ndơ, mpô mpa rong. Nĕ he nkra ndrung rong n'hanh nkra n'gar rong mpô mpa ân nâp, uĕh, mô dơi mbơk mpô mpa joi sa êng.

Phung m'hĭk way hăn măng, mô rĭ kâp bu nuyh bon lan mbơk ndrôk, rpu gơi nhŭp ntŭng

Bu nuyh bon lan dơm ndơ dŏng an ninh, mbơh nô nau lah gĕh ndơ ntaih, ŭnh ang, rong so mât wâl,... Lah saơ gĕh nô nau tâm ban bu ntŭng ndơ, ngăch mbơh ma m'bŭch kan kông an gơi ngăch bu nhŭp phung ntŭng.

Bu nuyh bon lan nkra ndrung rong ân uĕh, nơih ma nau kan mât gơi mô gĕh bu ntŭng mpô mpa rong tâm r'năk sa

Y Sơn

Y Sơn