Tâm kơl n'hâm suan mât mray ntŭk rêh ta Dak Nia

Rnă njrăng - N'gang chiă mât bri dak - Ngày đăng : 07:50, 20/10/2022

Mhe aơ, M'bŭch kan Mât Ntŭk rêh n'hanh N'hao nau kan dŏng neh (N'gâng kan Tài nguyên n'hanh Môi trường Dak Nong) ân 10 thung dơm n'dŏk, 2 mlâm rdeh ntrôl n'khŭt n'dŏk, 500 rhiăng dŭng mât mray ntŭk rêh n'hanh 15 r'keh prăk ân M'bŭch kan sŏk rbŭn n'dŏk bơh bon Phai Kon Pru Ðăng, xă Dak Nia (Gia Nghĩa) gơi pah kan uĕh nau kan mât mray ntŭk rêh tâm nau kan ndâk njêng bri bon mhe. M'bŭch hôm ndâk nau kan mbơh ntĭm mât mray kloh uĕh ntŭk rêh tâm bon lan ân ma 150 bu nuyh tâm xă, ntĭm bu nuyh bon lan tâm pă n'dŏk, prăp n'dŏk dăng, dŏng măy bư kloh ntŭk ta r'năk sa...

Jêh dơn ndơ bu ân, ăp thung dơm n'dŏk aơ dơi bu dơm ta ăp ntŭk ta bon, gĕh ta trong têh bon, thôn gơi bu bu nuyh bon lan n'khŭt n'dŏk di ntŭk. Tă bơh nĕ bư gĕh nau kloh, dah ăp trong hăn tâm bon, trong hăn tâm thôn, gơi mât mray kloh uĕh ntŭk rêh.

Ân săm bŭt sâm kơp nau kan ndâk njêng n'hanh kơl prăk ân M'bŭch kan sŏk dônh n'dŏk ta bon Phai Kon Pru Ðăng

Dơi bu n'kôch ân gĭt, tâm 3 năm bơh kơi, m'bŭch kan mra sâm kơl xă Dak Nia ndâk njêng ăp tổ sŏk dônh n'dŏk n'hanh kơl prăk rêl; ân ăp ndơ dŏng dơm n'dŏk..., gơi bu nuyh bon lan tâm xă pah kan dŭt nau kan ndâk njêng bri bon mhe nâng cao.

Thung dơm n'dŏk dơi bu dơm ta trong têh, ta ntŭk gĕh âk bon lan rêh gơi bu nuyh bon lan n'khŭt n'dŏk

Quang Vũ – Minh Huyền

Quang Vũ – Minh Huyền