Công an xă Thuận Hà mât đăp mpăn nau rêh Bu nuyh bon lan

Công an xă way nkah bu nuyh bon lan n'jrăng, mô dơi iăt tĕng nau kuăl jă bơh ăp phung m'hĭk, phung mbruh, phung tăch r'văt bu nuyh, mô dơi găn n'har bri Drôn. Năm 2022, công an pah kan uĕh nau kan mât, nchih săk njuăl ân ma ăp chi bộ n'hanh m'bŭch kan mât uănh thôn, bản gơi ksiêm, nkah ăp bu nuyh gĕh nau tih. Nsrôih kuăl jă bu nuyh bon lan, tâm nĕ bon lan bu nong iê bu nuyh n'jrăng n'gang nô nau ŭnh sa; tâm r'nglăp ăp tâ nar rbŭn gơi mbơh ntĭm bu nuyh bon lan njŭn phao n'hanh ndu ndơ r'toh...

Công an xă pah kan ndrel n'gâng kan bri dak xă n'hanh Bu nuyh bon lan pah kan uĕh nau kan: Camera mât đăp mpăn nau rêh; bâr goh tleng đăp mpăn nau rêh; wâl săm bŭt đăp mpăn; tâm lơh, kchŭt n'hanh n'jrăng ăp phung gĕh nau tih... Yor nĕ, ăp ntil phung gĕh nau tih pháp luật trŭnh đah năm e; nô nau mât đăp mpăn nau rêh dơi pah kan uĕh lăng; bu nuyh bon lan mô rvê rĭ aơ pah kan, bư mir jan ba. Yor nĕ, sâm kơl mât tiêu chí mrô 19 bơh nau kan ndâk njêng bon lan mhe ta xă.

​

Công an Thuận Hà pah kan ndrel ăp phung kan mbơh ntĭm bu nuyh Dao, bản Ðầm Giỏ mô dơi iăt tĕng nau phung m'hĭk đă

Công an tât ta mir gơi mbơh ntĭm bu nuyh bon lan n'jrăng bu ntung ca phê ta yăn pĕ play

Công an pah kan ndrel Mpôih ka han mât n'har bri 765 kơl bu nuyh bon lan muih gâ bơh pĭt trong

Mai Anh

Mai Anh