Kô ruanh bon ðiểu drây pah kan ân uĕh gơi bon lan kơt, lĕ nuih n'hâm tâm nau kan
Gương sáng bon làng - Ngày đăng : 06:14, 10/08/2022
Jêh pah kan âk ntil nau kan ta n'qual, xă, năm 2018, che Ðiểu Drây (deh năm 1965) dơi bu nuyh bon lan săch bư Kô ruanh bon Bu Prăng 1, xă Quảng Trực (Tuy Ðức) tât abaơ. Leo pah kan lor ta ăp ntil nau kan gơi bon lan tĕng kơt, che hôm ngăch tâm nau wăng sa, dơi bu nuyh bon lan iăt tĕng, sâm kơl.
Che ndrel ma r'năk sa tăm tơm mắc ca, ca phê, ba lŏ gơi hao nau wăng sa ta r'năk. Ăp năm r'năk che gĕh n'sĭt rlau 200 r'keh prăk. Ăp ntil ndơ kan, nau kan, bơh ăp m'bŭch kan tâm n'qual ndâk đă kan dơi che Ðiểu Drây mbơh ntĭm ngăch tât ma bon lan. Che hôm kuăl jă bu nuyh bon lan mô dơi muih bri, mô dơi găn n'har bri du bri bu; nsrôih pah kan bư mir jan ba, đăp mpăn nau rêh.
 |
R'năk che Ðiểu Drây jêng du r'năk sa ntơm tăm tơm mắc ca ta bon Bu Prăng 1 đah r'noh neh gĕh tăm tâm 3 hec ta |
 |
Ðiểu Drây (bơh ma ti) nsrôih mbơh ntĭm, kuăl jă bu nuyh bon lan pah kan di trong leo kan, nau kơl bơh Ðảng, pháp luật Bri dak |
 |
R'năk che dơi kơp jêng R'năk sa gĕh nau rêh kloh uĕh nao nao tâm ăp năm |
Y Sơn