Tuy Ðức nsrôih ndâk njêng bon lan mhe
Nay way - Bon lan - Ngày đăng : 09:51, 15/12/2022
Kơp lah n'qual ngai, n'har bri, gĕh nau wăng sa jêr jŏk, rlau 10 năm lĕ lăn, n'qual Tuy Ðức lĕ ndăn âk prăk bơh Trung ương, n'gor n'hanh nau kơl bơh Bu nuyh bon lan gơi dŏng pah kan Nau kan Bri dak ndâk njêng bon lan mhe. Kơp êng ta năm 2022, Tuy Ðức lĕ sŏk dŏng âk r'me prăk; Bu nuyh bon lan ân nđâp neh ntu n'hanh kơl n'hâm suan ndrel ma Bri dak ndâk nkra tay âk ndơ kan, nkra gung trong, nkra wâl nti săm bŭt, nkra wâl rbŭn thôn...
Tât abaơ, 6/6 xă gĕh trong nhựa n'hanh trong bê tông tât n'qual; 98% r'noh bu nuyh bon lan dơi dŏng điện Bri dak; 10 wâl nti săm bŭt kơp di tâm Bri dak... Nau rêh gĕh drăp ndơ n'hanh nau rêh tâm nuih n'hâm bu nuyh bon lan rlau nar rlau hao. Gĕh n'sĭt prăk tâm du huê bu nuyh pah kan du năm tât 25 r'keh prăk.
Ðảng bộ, n'gâng kan bri dak n'hanh Bu nuyh bon lan n'qual Tuy Ðức nsrôih pah kan tât năm 2021-2025: xă Dak Bŭk So kơp di bon lan mhe, ăp xă bă bă gĕh bình quân 15/19 tiêu chí ndâk njêng bon lan mhe.
 |
Lam n'gor gĕh rlau 290 km trong hăn ta thôn, bon dơi nkra uĕh |
 |
Tuy Ðức dôl n'hao nau kan tăm tơm măc ca jêng tơm tăm âk ngăn ngên tâm n'qual |
 |
Bum prŭm jêng tơm tăm bư trŭnh nau rêh o-ach ta Tuy Ðức |
 |
Bu nuyh bon lan dơi mât mray uĕh lăng n'hâm suan săk jăn |
 |
Nau way kăl e dơi mât mray, hao dŏng tâm nau rêh |
A Trư