Tăm quýt ndrel ma ca phê n’hao tay prăk n’sĭt tâm nau kan
Wăng sa - Ngày đăng : 14:37, 06/07/2017
Tâm năm 2012, che Nguyễn Cửu Hoàng Khanh, ta thôn Nam Trung, xă Nam Ðà (Krông Nô) sŏk rnih tơm quýt sĭk tă bơh Ðồng Nai tăm ndrel tâm đang ca phê huy 0,3 hec ta. Yor nsrôih joi ôp, tĕng kơt di khoa học kĩ thuât tâm nau kan, đang quýt bơh r’năk jêng ngăn, iê tu ndrŭng sa n’hanh play na nao tâm năm. Lah nĕ, mir tăm ca phê ât jêng đâng, play âk rlau tăm êng ca phê.
![]() |
Ntơm năm 2015 tât abaơ, đang aúyt bơh r’năk che Nguyễn Cửu Hoàng Khanh n’hao tay prăk gĕh n’sĭt tâm r’năk rlau 100 rkeh prăk |
Ntơm năm 2015 tât abaơ, ăp năm r’năk nô Khanh gĕh pĕ tâm 1,5 tân ca phê n’hanh 4 – 5 tân quýt sĭk. Quýt r’năk che tăm sa kah ngăn, dơi ăp bu nuyh bon lan tâm xă ŭch r’văt sa, hăn tât ta wâl r’văt. Ðah rnoh prăk tăch 25.000 rbăn du kí, tơm quýt gĕh n’sĭt ma r’năk che rlau 100 rkeh prăk du năm.
![]() |
Nô Nguyễn Cửu Hoàng Khanh way tŏ dak rao tơm gơi n’gang bring n’hanh sêt chăt ta tơm quýt |
Lê Phước