N'hao nau tăm tơm play ta mpeh yôk ŭnh Nâm Kar
Wăng sa - Ngày đăng : 10:12, 25/11/2021
Ntơm 5 năm lĕ lăn, yuh Nguyễn Thị Mai, Giám đốc Hợp tác xă Nông - Lâm nghiệp hữu cơ Quảng Phú lĕ tăm gĕh 30 hec tar tơm sa play ăp ntil tâm đŭng yôk ŭnh Nâm Kar ta thôn Phú Thuận, xă Quảng Phú (Krông Nô). Tâm nĕ, tơm play kam, quýt dơi yuh tăm tĕng nau kan hữu cơ gơi gĕh ăp ntil play sa mô gĕh khih dak si, jêh rĭ mât kloh ntŭk rêh.
Yor gĕh nau mĭn blau wăng sa, tât abaơ, yuh lĕ n'sĭt prăk tâm nau kan yor gĕh 3 hec tar tơm play kam, quýt lĕ gĕh play, gĕh pĕ du tâ tâm 140 tân. Âk neh tăm tơm play bă bă abaơ dôl ma gĕh bói. Ntil play kam, quýt bơh hợp tác xă dơi kơp di hữu cơ, tăch tâm n'gor n'hanh bơh tach n'gor đah r'noh prăk tăch tâm 40.000 r'băn du kí. Abaơ, yuh dôl bư uĕh neh, pơk huy neh tăm ăp ntil tơm play bă bă tâm nĕ gĕh tơm play dak toh, tơm sầu riêng, tơm khuăr,...
 |
Tơm sa play dơi tăm tĕng nau kan hữu cơ, sâm bư cân bằng sinh thái, mât kloh ntŭk rêh |
 |
Ntil play dơi păng blĭr tem tuy xuất nguồn gốc, kơp drăp hữu cơ lor ma rdeng tăch |
 |
Yuh bư gĕh nau pah kan ân ma rlau 10 bu nuyh tâm xă |
H' Mai