Sâm kơl hội viên bu ur bư tơm tâm nau wăng sa
Wăng sa - Ngày đăng : 10:44, 09/09/2022
Ăp m'bŭch kan hội hôm kuăl jă, ntĭm, sâm kơl ăp hội viên bu ur r'gâl nau mĭn, nau kan, hao nau pah kan bư mir jan ba ân di. Yor nĕ, nau wăng sa ăp hội viên rlau nar rlau hao.
![]() |
Hội viên bu ur n'qual r'gâl nau mĭn kan, tĕng kơt nau ntĭm khoa học kĩ thuật lăp tâm nau pah kan bư mir |
Ăp m'bŭch N'gâng kan Bu ur tâm lam n'qual hôm tín chấp ma Ngân hàng chính sách xă hội ân âk rbăn bu nuyh hội viên manh prăk, đah lĕ r'ngôch prăk gĕh manh rlau 130 r'keh prăk. Tă bơh prăk têm nkrem gơi hao nau wăng sa, N'gâng kan sâm kơl âk rhiăng bu nuyh dơi manh prăk, đah r'noh prăk gĕh manh lah 10 r'me prăk.
![]() |
Âk hội viên bu ur gĭt joi, ôp nti âk nau kan mhe gơi r'năk sa gĕh nau rêh rlau nar rlau hao |
Tă bơh ăp ntil nau kan, ăp m'bŭch N'gâng kan Bu ur tâm lam n'qual lĕ hao nuih n'hâm tâm kơl, tâm rŏng, sâm kơl oh nur gĕh nau rêh o-ach gơi ân tơm tăm, mpô mpa rong, kơl n'hâm suan pah kan bư mir...
![]() |
Âk bu ur bu nong iê bu nuyh tâm lam n'qual hao uĕh nau bư tơm tâm nau kan hao nau wăng sa ta r'năk |
H' Mai