Ca phê bột Tin True coffee

Wăng sa - Ngày đăng : 10:28, 01/12/2022

Ntơm bơh nkra tâm r'năk sa, năm 2019, che Hồ Trọng Tín, rêh ta tổ dân phố 4, bon jê Dak Mam (Krông Nô) lĕ ndâk njêng Hợp tác xă. Jêh rĭ, che tâm r'nglăp pah kan ndrel ma ăp r'năk bu nuyh bon lan gơi nkra ca phê bột đah săk moh "Tin True coffee".

Hợp tác xă lĕ kí săm bŭt buăn r'văt phê bu nuyh bon lan. Tât abaơ, Hợp tác xă lĕ gĕh 8 thành viên n'hanh tâm r'nglăp kan đah ma 20 r'năk bu nuyh bon lan ta thôn tăm rlau 30 hec ta ca phê, tâm nĕ gĕh 20 hec ta ca phê kơp di VietGAP, gĕh n'sĭt 70 tân. Ca phê kơp di VietGAP dơi Hợp tác xă Tin True coffee nkra jêng ca phê bột. Abaơ, hợp tác xă gĕh 7 drăp ca phê bột, tâm du năm gĕh tăch ân bu r'văt tât 20 tân.

Gơi n'hao nau uĕh n'hanh r'noh prăk tăch ân ma bu nuyh bon lan, hợp tác xă ndâk nau kan nkra ân uĕh gơi tăch ma ăp ntŭk bu r'văt ca phê kloh n'hanh tăch ta ăp bri dak bơh tach. Ðah nau kan tăm ca phê tĕng nau ntĭm VietGAP n'hanh nkra ca phê ân uĕh, Hợp tác xă Tin True coffee dôl n'hanh sâm kơl n'hao uĕh nau wăng sa ân bu nuyh tăm ca phê ta Dak Mam, jêh rĭ sâm kơl ndâk njêng thương hiệu ca phê ma n'gor Dak Nong.

Nguyễn  Nam

Nguyễn  Nam