H'Jớt blau wăng sa tăm tơm dâu rong ndrŭng brai
Wăng sa - Ngày đăng : 15:03, 22/12/2022
Năm 2020, yuh H'Jớt (deh năm 1989), bu nong Mạ ta bon Sa Siêng, xă Quảng Khê (Dak Glong) r'gâl 6 hec ta neh tăm ca phê jŏ năm, play mô hôm saơ âk gơi tăm tơm dâu rong ndrŭng brai. H'Jớt săch ndrŭng brai n'hanh tơm dâu uĕh, gĭt nê nê ntŭk bu tăch; kai neh ân uĕh, tăm, mât chăm tơm dâu, nkra wâl, nkra nhiăr wâl gơi rong ndrŭng brai. Yor nĕ, tơm dâu ngăch ngăn jêng, ndrŭng brai rong ngăch têh, mô gĕh nau ji.
Abaơ, trung bình du khay, r'năk sa yuh rong 3 - 4 hộp ndrŭng. Ðah r'noh tăch abaơ ntơm 150.000 - 200.000 rhiăng du kí, jêh tâm prăk dŏng pah kan lor, r'năk yuh gĕh n'sĭt 18 - 20 r'keh prăk du khay. Yuh dơi N'gor đoàn kơp jêng Bu nuyh druh ndăm bu nong iê bu nuyh blau wăng sa n'gor Dak Nong ntơm năm 2020 tât abaơ.
 |
Yor mât chăm uĕh nĕ 6 sào tơm dâu tâm r'năk yuh H'Jớt jêng ngăn |
 |
Yuh ân ndrŭng sa 2 tâ du nar ta ăp ôi n'hanh ăp mhau |
 |
H'Jớt dŏng mŭng n'kŭm gơi n'gang mpô mpa lăp kăp ndrŭng |
A Trư