Plăch r'gâl xă Ðăp mpăn mpeh Quảng Trực

Xă Quảng Trực abaơ gĕh rlau 3.100 r'năk sa, tât dŭt năm 2021, lam xă gĕh 964 r'năk sa gĕh nau rêh o-ach, kơp lah gĕh 30,80%, trŭnh 19,08% đah năm 2020. N'sĭt prăk tâm nau kan năm bơh kơi âk rlau năm ơm, nau rêh nuih n'hâm bu nuyh bon lan rlau nar rlau plăch r'gâl, hao. Ngih wâl gung trong dơi nsu, nkra tay, tâm nĕ gĕh trong hăn dơi bri dak nkra jêng trong bê tông ntơm bơh thôn, bon, tât tâm lŏ, gơi gĕh trong uĕh bu nuyh bon lan luh lăp, nơih tăch r'văt drăp ndơ.

Xă Ðăp mpăn mpeh Quảng Trực gĕh âk nau plăch r'gâl mhe ta ăp năm lĕ lăn

Xă Quảng Trực abaơ lĕ pah kan gĕh 13/19 ntil nau kan ndâk njêng bon lan mhe kơp tĕng tiêu chí bri dak. Tâm năm 2022, xă nchŭn n'hâm suan pah kan dŭt tiêu chí mrô 18 lah ndâk njêng Hệ thống chính trị n'hanh pháp luật n'hanh tiêu chí 19 mât đăp mpăn, uĕh lăng nau rêh bon lan.

Ka han rmanh Ðiểu Sranh (bơh ma ti) m'ak ngăn yor păng jêng kon bu nuyh bơh bon lan cách mạng

Xă nsrôih pah kan trŭnh 3% r'noh rnăk sa gĕh nau rêh o-ach, kơp êng bon lan bu nong iê bu nuyh trŭnh  ntơm 4 - 5%; r'noh kon se ntơm 2 - 5 năm dơi hăn nti săm bŭt gĕh 90%; r'noh kon se nti dŭt wâl săm bŭt THCS n'hanh nti tay THPT, nti nau kan gĕh 96%; trŭnh r'noh kon se chlơi nti 3% đah kon se THPT, tâm dâng 1% đah kon se tiểu học.

Lam xă gĕh dăch tât 600 hec ta neh tăm mắc ca, sâm kơl lâm nau ji ngot, trŭnh nau rêh o-ach ma bu nuyh bon lan

Ðah nau way uĕh lăng, hăt janh, lĕ n'hâm suan tâm lơh ma cách mạng, lơ 27/5/2019, xă Quảng Trực dơi Thủ tướng Chính phủ kơp jêng xă Ðăp mpăn mpeh n'hanh wơt dơn Sam bŭt dăp di tích tâm n'gor.

Thương hiệu mắc ca Quảng Trực dơi bu gĭt, dơi bu tăm âk tâm nau kan bư mir jan ba

Dương Phong

Dương Phong