M’bŭch Kâp chăm N’gor ủy rbŭn iăt dơn nau ntĭm tâm nau kan n’hanh uănh trĕng nau kan hao wăng sa, nau rêh tâm bon lan
Nau n'kôch - Nau geh kan - Ngày đăng : 10:46, 31/03/2017
Lơ 27/3, M’bŭch Kâp chăm N’gor ủy rbŭn iăt dơn nau ntĭm tâm nau kan n’hanh uănh trĕng nau kan hao wăng sa, nau rêh tâm bon lan, gĕh nau kan: Nau nchră lor mbơh nau gĕh kan tâm khay 3, pe khay bôk năm, nau kan kh’lay tâm khay 4 n’hanh pe khay bơh kơi năm 2017; Nau nchră kan klă chŭn 10 năm n’hanh nau n’kôch pah kan Nau jrŭ mrô 09-NQ/TU, lơ 20/10/2006 bơh N’gor ủy tâm nau kan n’hao ntŭk ân bu năch hăn pâl tâm năm 2006 – 2010, uănh trĕng trong kan tât năm 2020. Nau nchră kan klă chŭn 10 năm n’hanh nau n’kôch pah kan Nau jrŭ mrô 04-NQ/TU, lơ 7/4/2011 bơh N’gor ủy tâm nau kan bư mir jan ba tĕng nau kan kông nghệ mhe năm 2010 – 2015, uănh trĕng trong kan tât năm 2020.
 |
Wa Ngô Thanh Danh, Groi Bí thư Kâp chăm N’gor ủy, Kô ranh bu nuyh kan têh Quốc hội n’gor mbơh ngơi ntĭm nau kan ta nar rbŭn |
Ngơi ntĭm nau kan ta nar rbŭn, Wa Lê Diễn, Ủy viên Trung ương Ðảng, Bí thư N’gor ủy, Kô ranh HÐBL n’gor lĕ đă lam n’gor pah kan ân uĕh nau kan tâm nau jrŭ, n’hao tay pah kan tâm mâp ma bon lan, ma bu nuyh bon lan; nau kan mbơh hưn dơi ăp ntŭk, ăp m’bŭch kan n’hao ân dăng…
 |
Kô ranh jrô kan N’gor ủy mbơh nau gĕh pah kan tâm khay 3, pe khay bôk năm, nau kan kh’lay khay 4, pe khay bơh kơi năm 2017 |
Hồng Thoan