Ntŭk têl tâm lơh kăl e Bri dak thôn Cây Xoài

Nsrôih tâm nau jêr jŏk, nau khĭt ôm, lơ 30/10/1960, Ðoàn B90 lĕ tâm mâp ma Ðoàn C200 bơh mpeh Đông Nam bộ. Jêh tât ta Dak Lak (n’gor ơm) sŏk săk moh B4, tâm pă jêng bar phung ang trong hăn ta Nam bộ. Ta mông aơ, Khu ủy mpeh Ðông Nam Bộ pơk ăp phung pah kan bư ka han ta ntŭk tâm lơh D pơk trong tâm mâp ma B4.

Ta 4 mông mhau lơ 30/10/1960, du phung B4 lĕ tâm mâp ma Ðoàn C200 ta Nglau Dak R’tih, n’gor Ðồng Nai Thượng, abaơ lah thôn Cây Xoài, xă Dak Nia, bon têh Gia Nghĩa. Ta 8 mông măng lơ 4/11/1960, phung tâl bar bơh B4 tâm mâp ma ka han tâm lơh n’gor Phước Long-Ðông Nam Bộ ta trong pe mpeh Dak N’Soong, abaơ lah thôn 8, xă Nam Bình, n’qual Dak N’Soong.

Thôn Cây Xoài abaơ gĕh 153 r’năk, 650 bu nuyh, tâm nĕ bon lan bu nong iê bu nuyh tâm 20 r’năk. Bu nuyh bon lan thôn Cây Xoài m’ak tâm nuih n’hâm yor ntŭk aơ lĕ dơi kơp nau tâm lơh pơk trong Hồ Chí Minh. Abaơ, thôn lĕ gĕh âk nau pah kan bư mir jan ba kông nghệ mhe n’hanh ăp ntŭk tăm tơm sa play, neh tăm ca phê, mpơl saơ nau rêh mhe ta ntŭk njêng kăch mạng.

Wâl rup kah gĭt ntŭk tâm mâp Trong hăn tâm lơh Bắc-Nam, ta ntŭk găn Nam Tây Nguyên tât ta Ðông Nam Bộ ta thôn Cây Xoài

Kô ruanh tâm n’gor chŭt nhang kah gĭt ăp Nô hăt janh săn săk ta Ntŭk têl tâm lơh tâm su kăl e Bri dak ta thôn Cây Xoài

Rbŭn kah gĭt ăp Nô hăt janh săn săk ta Ntŭk têl nau tâm lơh Bri dak ta thôn Cây Xoài

Trong Trường Sơn-Trong Hồ Chí Minh găn ta n’gor Dak Nong abaơ

Bu nuyh bon lan thôn Cây Xoài gơi pah kan wăng sa

Mai Anh

Mai Anh