Trŭnh kơp Nau kan bri dak kơl kon se tâm năm 2021 – 2030

Nau n'kôch - Nau geh kan - Ngày đăng : 09:50, 14/01/2021

Thủ tướng Chính phủ mhe trŭnh kơp Nau kan bri dak kơl kon se tâm năm 2021 – 2030. Nau kan aơ nchră gĕh 4 ntil nau kan kh’lay nê nê aơ: Nau pah kan kh’lay tâl 1, tâm nau kan hao uĕh lĕ r’ngôch nau rêh ân kon se, mât rong n’hâm suan, nau dăng n’hâm suan ân ma kon se. Nau pah kan kh’lay tâl 2 tâm nau kan mât rong kon se mô dơi ân gĕh nau m’hĭk tât. Nau pah kan kh’lay tâm 3 lah nau kan ntĭm sơm, nau way, nau m’ak pâl. Nau pah kan kh’lay tâl 4 lah nau pah kan phung kon se tâm nchră ăp ntil nau kan ma kon se.

Nau kan trŭnh nchră ăp ntil nau kan gơi mât n’hanh hao uĕh lĕ r’ngôch nau rêh ân kon se Việt Nam

Nau kan aơ mbơh hưn nau dơn kan n’hanh nau mĭn pah kan gĕh: N’hao nau kan ntĭm gai, ntĭm, pah kan ndrel bơh ăp n’gâng kan, ntŭk kan, n’gor đah ăp ntil nau pah kan, nau ŭch pah kan ân dơi bơh Nau kan; njêng jêh pháp luật, nau kan ân gĕh nau dah ŭch kan n’hanh nchră kan ăp ntil nau gĕh ma kon se; n’hao nau kan dịch vụ tâm di ma nau pah kan gĕh nau tâm r’nglăp n’hanh pah kan ndrel bơh ăp dịch vụ y tế, ntĭm sơm, tư pháp n’hanh ăp ntil nau kan an sinh xã hội; ân pah kan lor nau kan dịch vụ mât rong kon se; n’hao nau kan mbơh hưn, ntĭm sơm, nau gĭt pah kan nau dơi kan, nau way kon se; jă đă ăp ntŭk tâm bon lan pah kan ăp ntil nau kan ân gĕh nau dah ŭch kan n’hanh nchră kan ăp ntil nau gĕh ma kon se.

Quốc Sỹ

Quốc Sỹ