Sơ kết 5 năm pah kan n’hao nau nti n’hanh tĕng kơt nau mĭn, nuih n’hâm, nau pah kan Hồ Chí Minh
Nau n'kôch - Nau geh kan - Ngày đăng : 11:05, 06/05/2021
 |
Wa Nguyễn Ðình Trung, Ủy viên Trung ương Ðảng, Groi Bí thư N’gor ủy, Kô ruanh Ủy ban bon lan n’gor ân săm bŭt r’nê ma ăp phung kan gĕh nau pah kan uĕh tâm 5 năm pah kan Nau ntĭm kan 05. Ảnh: Phan Tân |
Nau mbơh n’hanh nau n’kôch kan ta nar rbŭn aơ ân saơ, tâm ăp năm lĕ lăn, ăp n’gâng kan ủy, phung kan đảng lĕ ndâk nau kan bu mbơh, Tĕng pah kan nê nê Nau ntĭm kan mrô 05 n’hanh ăp săm bŭt ntĭm gai nau kan. Nau kan nti n’hanh tĕng kơt nau mĭn, nuih n’hâm, nau pah kan Hồ Chí Minh dơi bu trĕng kơp jêng du ntil nau kh’lay ngăn ngên, pah kan nao nao, pah kan ân jŏ, sâm kơl ndâk njêng Ðảng bộ kloh uĕh, nâp phêt tâm lĕ r’ngôch ăp ntil nau kan.
Nau nti n’hanh tĕng kơt Wa dơi bu ndơp tâm săm bŭt buăn nau nti ren, nau nsrôih pah kan ăp năm bơh kan bộ, đảng viên lĕ gĕh âk nau plăch r’gâl, mpơl saơ nau uĕh tay. Nau pah kan ân uĕh gơi bu tĕng kơt kan bơh ăp kan bộ, đảng viên, tâm nĕ gĕh kan bộ pah kan têh bơh ăp n’gâng kan, ntŭk kan dơi hao uĕh, rlau nar rlau kơl nti ren nuih n’hâm, nau rêh, r’gâl nau mĭn, r’gâl nau pah kan.
Mbơh ngơi ta nar rbŭn, wa Bí thư N’gor ủy Ngô Thanh Danh nkah: Tâm mông bơh kơi aơ, n’gâng kan ủy, phung kan đảng pah kan tay ân uĕh ăp ntil Nau ntĭm kan 05 bơh Bộ Chính trị khóa XII, Nau nchră kan mrô 19 bơh N’gâng kan Chăm gai N’gor ủy, tâm r’nglăp ndrel ma nau pah kan tĕng nau n’hêl đảng bộ ăp n’gâng kan, Nau n’hêl Rbŭn têh Ðảng bộ n’gor tâl XII, Nau n’hêl Rbŭn têh Ðảng lam bri dak tâl XIII; Nau n’hêl Trung ương 4 (gưl tâl XI, tâl XII tâm nau kan ndâk njêng, pah kan uĕh tâm Ðảng n’hanh ăp ntil nau pah kan gơi bu nuyh bon lan tĕng kơt kan bơh ăp kan bộ, đảng viên, tâm nĕ gĕh kan bộ kan têh ta ăp n’gâng kan.
Ta nar aơ, Thủ tướng Chính phủ lĕ ân Săm bŭt r’nê ma che Trương Quang Hùng, xă Nhân Ðạo (Dak R’lâp) yor gĕh âk nau pah kan uĕh tâm nau kan nti n’hanh tĕng kơt nau mĭn, nuih n’hâm, nau pah kan Hồ Chí Minh. N’gâng kan Chăm gai N’gor ủy lĕ ân Săm bŭt r’nê ma 24 phung kan n’hanh 32 bu nuyh gĕh nau pah kan uĕh tâm 5 năm pah kan Nau ntĭm kan 05 tâm năm 2016 – 2020.
Bảo Ngọc