Ka han mât n’har bri ta mpeh n’har bri hăn sach ơm bu nuyh kan têh ma bon lan

Rlau 800 bu nuyh cử tri lah kan bộ, ka han mât n’har bri lĕ sach ta 3 n’gâng kan: bu nuyh kan têh tâm Quốc hội tâl XV, bu nuyh kan têh Hội đồng bon lan tâm n’gor, bu nuyh kan têh Hội đồng bon lan tâm n’qual, mô gĕh sach bu nuyh kan têh Hội đồng bon lan tâm xă.

Ăp mpôih ka han tâm pă jêng 2 tâ n’klăch săm bŭt. Jêh tâ ngoay n’klăch săm bŭt, kan bộ, ka han hăn tât ta jay n’king gơi ăp cử tri bă bă sĭt ta mpôih sach bu nuyh kan. Nau kan aơ dơi ndâk kan gơi lĕ r’ngôch cử tri dơi sach bu nuyh kan, jêh rĭ gĕh tay phung mât n’har bri dak.

Tât 9 mông ôi 22/5, nau kan sach bu nuyh kan ta ăp mpôih ka han mât n’har bri n’hanh Tiểu đội Ntĭm Nau tâm lơh ta ăp ntŭk lĕ dơi bu sach jêh n’hanh dơi mât uĕh nau pah kan, gĕh 100% r’noh cử tri hăn sach bu nuyh kan.

Jêh sach bu nuyh kan ma bon lan tâm mpôih, lơ 23/5, ăp mpôih ka han ndâk tay nau pah kan mât n’har bri, ăp ntŭk gĕh nau kh’lay n’hanh ăp ntŭk sach bu nuyh kan bă bă tâm n’gor, sâm kơl nar rbŭn têh dơi ndâk kan lôch, uĕh lăng.

Bu nuyh kan têh n’hanh cử tri mbah siăm kơ ta Tiểu đoàn Ntĭm Nau tâm lơh ta ăp ntŭk. Ảnh: Phan Tân

Ntŭk kan sach bu nuyh kan Mpôih ka han Mât Mpông n’har bri Thuận An blir thung n’klăch săm bŭt ân nâp gơi sach bu nuyh kan. Ảnh: Phan Tân

Ka han Ðiểu Dũng, Bu Nong, Trung đội 1, Ðại đội 1, Tiểu đoàn Ntĭm Nau tâm lơh ta ăp ntŭk n’klăch săm bŭt sach bu nuyh kan ma bon lan. Ảnh: Phan Tân

Kan bộ, ka han Mpôih ka han Mât n’har bri Tuy Ðức uănh săm bŭt nchih săk n’hanh nô nau kan bơh bu nuyh kan dăn ma bon lan lor ma n’klăch săm bŭt. Ảnh: Phan Tuấn

Cử tri dơi bu uănh săk jăn duh ma mô, tho ti đah dak si lor ma lăp n’klăch săm bŭt. Ảnh: Phan Tuấn

Mpôih ka han Mât n’har bri Tuy Ðức krih dak si nkhĭt ka man ta ăp rdeh luh lăp tâm mpôih gơi n’jrăng, n’gang nau ji tưp Covid-19. Ảnh: Phan Tuấn

Bảo Ngọc

Bảo Ngọc