Ntŭk ksiêm n’jrăng, n’gang nau ji tưp Covid-19 ta xă Dak Ru dơi ndâk kan
Nau n'kôch - Nau geh kan - Ngày đăng : 11:14, 03/06/2021
Jêh dơi N’gâng kan chăm gai N’gor ủy gĕh nau nchră kan ndâk tay tŭk ksiêm n’jrăng, n’gang nau ji tưp Covid-19 ta Trong têh 14, tâm xă Dak Ru (Dak R’lâp), mhau lơ 31/5, Groi Kô ruanh Ủy ban bon lan n’gor Tôn Thị Ngọc Hạnh, Kô ruanh N’gâng kan Ntĭm gai n’jrăng, n’gang nau ji tưp ta bu nuyh n’gor Dak Nong lĕ tât hăn khâl n’hanh ksiêm nau pah kan ta aơ.
 |
Ksiêm săk jăn duh ma mô đah ma bu nuyh bĭt rdeh lăp ta lam n’gor. Ảnh: Hồng Duyên |
Ta ntŭk ksiêm, ăp phung kan tâm pă jêng 3 ka tâm r’gâl pah kan 12 mông măng n’hanh 12 mông dâng nar, ksiêm săk jăn duh ma mô, ôp ntŭk tă hăn n’hanh đă bu nuyh bon lan bơh tach tât tâm n’gor put mbung, mbơh nô nau y tế.
Groi Kô ruanh Ủy ban bon lan n’gor Tôn Thị Ngọc Hạnh lah uĕh n’hanh r’nê kơp nau nsrôih bơh ăp phung kan lĕ tâm kơl ndâk tay tŭk ksiêm n’jrăng, n’gang nau ji tưp Covid-19 ta mpông luh lăp tâm n’gor. Yor nô nau ji tưp abaơ gĕh âk nau jêr, kan bộ, ka han n’hao uĕh nuih n’hâm n’jrăng, pah kan ân lôch uĕh nau kan dơi n’gor jao, sâm kơl n’king nau ji tưp aơ mô dơi lăp gĕh tâm lam n’gor.
Quốc Sỹ