Krông Nô ndâk njêng Ðảng rsang kloh nâp phêt

Nau n'kôch - Nau geh kan - Ngày đăng : 10:11, 14/04/2022

Bư tĕng Nau n'hêl Trung ương 4 (gưl XII) bơh Ðảng, tâm ăp năm lĕ lăn, Ðảng bộ n'qual Krông Nô pah kan tay gơi ndâk njêng Ðảng rsang kloh, nâp phêt, n'hao nau jan ndjôt bôk ntĭm kan, n'hao n'hâm suan dăng tâm lơh bơh ăp m'bŭch kan đảng n'hanh đảng viên. Ndrel ma mât mray đăp mpăn chính trị, mât uĕh lăng nau rêh tâm bon lan, n'qual hôm n'hao uĕh nau dăng tâm r'nglăp lam bu nuyh bon lan bơh Mặt trận Bri dak n'hanh ăp m'bŭch kan chính trị - bon lan gơi hao nau wăng sa - nau rêh bon lan.

Bơh đah nĕ, n'qual nchŭn n'hâm suan ntĭm gai pah kan uĕh nau kan ksiêm, tự phê bình n'hanh phê bình m'bŭch kan, bu nuyh kan, tâm r'nglăp đah nau kan gĭt nô nau gĕh nau trŭnh chính trị, nuih n'hâm, nau rêh "tự diễn biến", "tự chuyển hóa". Tâm nau pah kan, uănh kh'lay nau kan pah kan di nau kan m'bŭch kan Ðảng, leo pah kan lor ân uĕh gơi bu tĕng kơt tâm nau kan, du nuih dơn nau tih, pah kan tâm di nau ngơi ma nau kan... Âk đảng viên, kan bộ, kông chức, viên chức gĕh nau plăch r'gâl tâm nau nti ren nuih n'hâm, sâm kơl pah kan dŭt uĕh nau kan chính trị, ndâk njêng chi bộ, đảng bộ rsang kloh, nâp phêt, gơi Bu nuyh bon lan iăt tĕng.

Kan bộ thôn Phú Hòa, xă Quảng Phú way tât tâm bon lan gơi mât, ôp ăp ntil nô nau dăn ŭch bơh bu nuyh bon lan

Chi bộ thôn Nam Thanh, xă Nam Xuân kuăl dăn, bu nuyh bon lan ân nđâp neh, kơl prăk nkra wâl rbŭn thôn

Bu nuyh bon lan bon jê Dak Mam iăt tĕng, tâm kơl n'hâm suan ndrel cấp ủy, m'bŭch kan bri dak ndâk njêng ntŭk rêh hao

Kan bộ, đảng viên n'hao uĕh nau pah kan wăng sa, hao bư ndrŏng

Ðảng viên H'Thương (bơh chiau ti) mât mray nau way tơm kăl e bơh bu nuyh Bu Nong ta xă Nâm Nung

Ngih wâl trong hăn bon lan mhe Krông Nô rlau nar rlau hao

Y Krăk

Y Krăk