Lơ 20/12/1960 jêng Nar Kah gĭt ndâk n'jêng Ðảng bộ n'gor Dak Nong

Nau n'kôch - Nau geh kan - Ngày đăng : 16:50, 20/04/2022

Ta nar Rbŭn nchră nau kan N'gâng kan Chăm gai Ðảng bộ n'gor Dak Nong tâ tâl 7, gưl XII dơi ndâk kan ta lơ 15/4, N'gâng kan chăm gai Ðảng bộ n'gor lĕ nchră, đơn ôp nau kan kơp nar ndâk n'jêng Ðảng bộ n'gor Dak Nong. Ta nau kơp 4 ntil nau kh'lay kăl e, N'gâng kan chăm gai Ðảng bộ n'gor du nuih tĕng nau kan, kơp sŏk lơ 20/12/1960 jêng nar kah git ndâk n'jêng Ðảng bộ n'gor Dak Nong.

Ăp bu nuyh kan, phung kan khoa học kăl e, bu nuyh nô nau kăl e... lĕ đă sŏk lơ 20/12/1960 bư Nar kah gĭt ndâk njêng Ðảng bộ n'gor lah lơ khay dăch, tâm di

Khay 12/1960, Trung ương ndâk njêng n'gor Quảng Ðức n'hanh Ðảng bộ n'gor Quảng Ðức trực thuộc Liên khu ủy V, N'gâng kan tơm yor Trung ương ntĭm gai wa Vũ Anh Ba bư Bí thư N'gâng kan mât n'gor. Lơ 20/12/1960 ta xă Tân Lập, n'qual Châu Thành (abaơ lah n'qual Tân Biên), n'gor Tây Ninh, ăp bu nuyh tâm ăp ntil nau kan, bu nong, chroh n'hanh ăp đảng lĕ rbŭn ndâk njêng Mặt trận bu nong tâm lơh sŏk neh ntu bu pit ta mpeh Nam Việt Nam. Tâm nĕ, n'gor Quảng Ðức (abaơ lah Dak Nong) ntĭm đă bu nuyh kan Mí Hớt, kan bộ ta Nâm Nung, abaơ dôl rêh ta xă Dak Gằn, n'qual Dak Mil tât rbŭn.

Phan Tân

Phan Tân