Ndâk nau kan Nar tăm tơm si "Yor Dak Nong ndrêh"
Nau n'kôch - Nau geh kan - Ngày đăng : 11:55, 28/04/2022
Lơ 22/4, wa Hồ Văn Mười, Groi Bí thư N'gor ủy, Kô ruanh Ủy ban Bon lan n'gor Dak Nong ndjôt bôk lĕ pah kan ma ăp n'gâng kan, m'bŭch kan, n'qual mbơh nau nchră kan nar Rbŭn ndâk nau kan Nar tăm tơm si "Yor Dak Nong ndrêh" tâm mâp lơ deh Wa Hồ (19/5/1890 – 19/5/2022) n'hanh ndâk nau kan tăm tơm si gĕh âk n'kĭng năm 2022.
 |
Tĕng nau nchră, lam n'gor nsrôih tăm gĕh 161.000 ăp ntil tơm si |
Rbŭn ndâk nau kan Nar tăm tơm si yor Dak Nong ndrêh tâm n'gor n'hanh tăm 1.000 n'ho pe n'ha ta ntŭk Gâng rup N'Trang Lơng, phường Nghĩa Ðức (Gia Nghĩa) dơi ndâk kan lơ 19/5/2022. Rbŭn ndâk nau kan Nar rbŭn tăm tơm si yor Dak Nong ndrêh dơi ăp n'qual, bon têh n'hanh ăp xă, phường, bon jê pơk kan ndrel.
Kô ruanh Ủy ban Bon lan Hồ Văn Mười đă ăp m'bŭch kan ndâk nchră nau kan tăm tơm si ndrêh tâm mâp nar deh Wa Hồ dơi pah kan lĕ nuih n'hâm. Jêh rĭ, ăp n'gâng kan, ntŭk kan, n'qual n'hao uĕh nau kan mbơh ntĭm, hao nau gĭt pah kan tâm Bu nuyh bon lan n'hanh nsrôih tĕng nau kan tăm, mât, mray tơm si.
Bảo Ngọc