Rbŭn N'gâng kan Chăm gai Ðảng bộ n'gor tâ tâl 9, gưl XII

Nau n'kôch - Nau geh kan - Ngày đăng : 08:00, 20/10/2022

Mhau lơ 17/10, N'gâng kan Chăm gai Ðảng bộ n'gor gưl XII, năm pah kan 2020 - 2025 ndâk nau Rbŭn tâ tâl 9. Rbŭn gơi nchră ăp ntil nau kan: Mbơh ngăch nau dŭt Rbŭn tâ tâl 6 N'gâng kan Chăm gai Trung ương Ðảng gưl XIII; Dăn nchră nau Mbơh dŭt bơh nau gĕh pah kan tâm 9 khay, nau kan ta 3 khay dăch dŭt năm 2022; Dăn nchră nau Mbơh dŭt bơh Nau n'hêl tâm nau kan n'hao tay nau ndjôt bôk leo lor tâm nau kan bơh Ðảng đah nau kan plăch r'gâl hành chính n'gor Dak Nong tât năm 2025, trĕng kan tât năm 2030.

Rbŭn lĕ tâm nchră nau kan, đă joi ăp ntil nau kan gơi pah kan dŭt nau dơn kan ta năm 2022

Tĕng mbơh nau kan ta nar rbŭn, nô nau wăng sa - bri bon 9 khay bôk năm 2022 tâm n'gor dơi gĕh nau đăp mpăn; gĕh âk nau nchră kan hao đah khay aơ năm e. Nau rêh Bu nuyh bon lan đăp mpăn. Nau n'jrăng mât bri dak - uĕh lăng nau rêh dơi mât uĕh. Nau kan ndâk njêng Ðảng, hệ thống chính trị dơi n'hao...

Mbơh ngơi ntĭm nau kan, Bí thư N'gor ủy, Kô ruanh Phung kan Ðại biểu Quốc hội n'gor Ngô Thanh Danh lĕ đă, cấp ủy n'hao tay nuih n'hâm pah kan, nsrôih tâm nau kan, lĕ n'hâm suan ma nau kan, pah kan ân ngăch, ân di, gĕh nau mĭn kan mhe ndjôt bôk, ntĭm gai pah kan, nsrôih pah kan dŭt n'hanh rlau ăp ntil nau kan, chỉ tiêu, nau dơn kan ta năm 2022 ntĕng Nau n'hêl mrô 10, lơ 13/12/2021 bơh N'gor ủy. Tă bơh nĕ, bư gĕh nau n'hưch hao, bư gĕh ntŭk jrah pah kan dŭt Nau n'hêl Rbŭn têh Ðảng bộ n'gor tâ tâl XII jao kan.

Bảo Ngọc

Bảo Ngọc