Nsrôih pah kan dŭt nau kan, ndơ kan tĕng Nau n'hêl năm 2023
Nau n'kôch - Nau geh kan - Ngày đăng : 09:45, 08/12/2022
Ntơm bôk năm 2022 tât abaơ, N'gor nchŭn nau kan ndjôt bôk, ntĭm gai găn n'hanh pah kan 13 nau kan na n'hêl, tâm nĕ gĕh 7/13 nau kan dơi pah kan dŭt. Nau hao GRDP gĕh tâm 7,54%; GRDP tâm du huê bu nuyh pah kan gĕh 59,81% r'keh prăk; lĕ r'ngôch prăk dŏng pah kan lam bon lan gĕh 19.280 r'me prăk (hao gĕh 14,5% đah năm 2021); gĕh sŏk prăk ma bri dak tâm 3.475 r'me prăk...
 |
N'gang kan Chăm gai Ðảng bộ n'gor yơr ti du nuih tĕng Nau n'hêl N'gor ủy gưl XII bơh nau kan ta năm 2023 |
Năm 2023 jêng năm gĕh nau kh'lay, gĕh tính chất tât ăp ntil nau kan, nau uĕh, nau âk bơh ăp nau kan, nau nchră 5 năm. N'gâng kan Chăm gai N'gor ủy lĕ nchră, đă N'gâng kan Chăm gai Ðảng bộ n'gor nau dơi kan lĕ r'ngôch, 13 ntil nau kan n'hanh ndơ kan, nau mĭn kan kh'lay gơi ndjôt bôk, ntĭm gai nsrôih pah kan.
Mbơh ntĭm nau kan dŭt nar rbŭn, wa Ngô Thanh Danh, Bí thư N'gor ủy đă ăp n'gâng kan n'hao nuih n'hâm pah kan, nsrôih tâm nau kan, ngăch tâm nau kan, du nuih pah kan, gĕh nau mĭn di tâm nau kan ndjôt bôk, ntĭm gai, ndâk nau pah kan, gơi gĕh nau pah kan uĕh ngăn ngên, sâm kơl pah kan dŭt Nau n'hêl bơh nau kan năm 2023. Tâm nĕ lah ndâk ân uĕh Nau n'hêl mrô 23, lơ 6/10/2022 bơh Bộ Chính trị bơh trong leo kan bư hao nau wăng sa - nau rêh bri bon, mât neh ntu bri dak, đăp mpăn nau rêh mpeh Tây Nguyên tât năm 2023, trĕng kan tât năm 2045.
Bảo Ngọc