Rbŭn Kah gĭt 110 năm nau kan dâk tâm lơh N'Trang Lơng n'hanh Lăp dŏng N'gâng rup N'Trang Lơng

Nau n'kôch - Nau geh kan - Ngày đăng : 09:42, 08/12/2022

Tĕng nau Nchră kan mrô 663/KH-UBBL, lơ 14/11/2022 bơh Ủy ban Bon lan n'gor, Rbŭn Kah gĭt 110 năm nau kan dâk tâm lơh N'Trang Lơng (1912 - 1936) n'hanh Lăp dŏng N'gâng rup N'Trang Lơng dơi ndâk kan ta lơ 20/12/2022. Ntŭk ndâk nau kan ta N'gâng rup N'Trang Lơng, yôk Dak Nur, phường Nghĩa Ðức, bon têh Gia Nghĩa.

Nau kan ndâk tâ Rbŭn Kah gĭt 110 năm nau kan dâk tâm lơh N'Trang Lơng gơi kan bộ, đảng viên n'hanh Bu nuyh bon lan gĭt nau kh'lay nau ĕh bơh nau dâk tâm lơh N'Trang Lơng; r'nê n'hanh lah uĕh n'hâm suan, nau khĭt bơh nô hăt janh N'gâng rup N'Trang Lơng n'hanh ka han păng ta tâ tâm lơh đah phung Prăng. Tă bơh nĕ, sâm kơl ntĭm gĭt nau kăl e, nau way rŏng ma bri dak, nau dang tâm rom gop ăp bu nong, nau janh tâm lơh mô klach khĭt, bơh nau tâm lơh N'Trang Lơng, nkah n'hưch nau hao, nau pah kan ndâk njêng ntŭk rêh Dak Nong ndrŏng uĕh. Bơh đah nĕ, gơi ndơ nkra Gâng rup N'Trang Lơng n'hanh nau dâk tâm lơh (1912 - 1936) jêng ndơ rtêl tâm nau rêh - nau way, nau ntĭm sơm, jêng ntŭk rbŭn nau way tâm nuih n'hâm ân ma kan bộ, ka han n'hanh Bu nuyh bon lan tâm lam n'gor Dak Nong.

Quốc Sỹ

Quốc Sỹ