UBBL n’gor lĕ dăp trŭnh sam bŭt mbơh hưn nau kan gơi n’jrăng, n’gang tay nau ji tưp Covid-19. Tĕng nau kan aơ, bu nuyh bon lan mô dơi rbŭn gŭ 10 nuyh ta kông sở, wâl sam bŭt, wâl dak si; đă gŭ tâm ngai bu nuyh aơ ma bu nuyh ri iê ngăn ngên ngai tât 2 met ta ăp ntŭk tâm bon lan; ân rlu tay ăp ntil ndơ kan mô khay tâm ban gĕh ăp ntil nau k’dŏ mprơ, ntŭk hăn pâl, pâl mpât săk jăn, ntŭk pâl gĕh âk bu nuyh gŭ ndrel ta ăp ntŭk tâm bon lan, ăp ntŭk bư uĕh ma săk jăn, ntŭk mprơ karaoke, massage, vũ trường, gym, yoga… Bu nuyh bon lan bư tĕng ân di ăp ntil nau n’hêl ta nau kan n’jrăng n’gang nau ji tưp, n’gâng kan bri dak, ăp ntŭk kan n’hao nau nsrôih mbơh ntĭm, jă đă bon lan tĕng kan ân di n’hanh nhŭp kuh ăp bu nuyh mô tĕng nau n’hêl n’jrăng, n’gang nau ji tưp Covid-19.
Jêh aơ hên dăn mpơl rup yor phóng viên gĕh chup mhau lơ 19/4 ta xă Trường Xuân (Dak N’Soong).
![]() |
Âk bu nuyh ndăm rbŭn pâl in jin, mô gĕh put muh măt ta wâl tăch ca phê ngêt ta xă Trường Xuân |
![]() |
Du câu lcạ bộ bi da pơk mpông gĕh rlau 10 nuyh pâl mô pah kan tĕng nau ntĭm n’jrăng n’gang nau ji tưp |
![]() |
Gĕh âk băng rôn bu mbơh ntĭm ăp ntŭk, khă nĕ âk bu nuyh bon lan mô ndô đon n’kar săk, mô put muh măt thơ luh bơh tach |
H'Mai