Dak Nong abaơ gĕh rlau 40 bu nong rêh ndrel, tâm nĕ gĕh dăch tât 213.000 bu nong iẅ bu nuyh, gĕh tâm 32% r'noh bu nuyh lam n'gor.
 |
Ðảng viên ka han rmanh ta bon Rung, xă Nâm Nung (Krông Nô) n'hao uĕh nuih n'hâm pah kan tâm nau kan ntĭm sơm kon sau, ndâk njêng r'năk gĕh nau rêh uĕh lăng |
Tâm ăp năm lĕ lăn, nau kan n'hao đảng viên dơi n'gor mĭn kơl, bư gĕh nau nơih gơi n'hao r'noh đảng viên. Ăp năm, ăp n'gâng kan cơ sở Ðảng uănh kh'lay nau kan ntĭm, rơm lor bu nuyh đảng viên; ntĭm gai Ðoàn druh ndăm, ăp m'bŭch, phung kan, chi bộ tâm bon lan ndâk âk ntil nau kan, ndơ kan gơi bu nuyh bon lan, tâm nĕ gĕh âk phung đoàn viên druh ndăm n'hao uĕh nau kan, nau blau, n'hâm suan druh ndăm. Ăp chi bộ ăp năm nsrôih pah kan r'nglăp đảng viên, bư gĕh nau kan nơih ma đoàn viên, druh ndăm, bu nuyh bon lan gĕh nuih n'hâm uĕh nti jrô ntĭm gĭt Ðảng...
 |
Bu nuyh bon lan gĕh nuih n'hâm pah kan uĕh Thị Thu (Bu Nong), bon Ja Lú, xă Dak R'tih (Tuy Ðức) dơi chi bộ ntĭm nchih săm bŭt bu nuyh dăn lăp Ðảng |
Kơp tât lơ 31/8/2021, lam n'gor gĕh 4.128/27.037 đảng viên bu nong iẅ bu nuyh. Ăp đảng viên bu nong iẅ bu nuyh jêh dơi r'nglăp đảng lĕ n'hao uĕh nuih n'hâm pah kan, gĕh nau kan uĕh gơi bu nuyh bon lan tĕng kơt, mpơl saơ nau kh'lay ta cơ sở ta nau bư tĕng trong leo kan, nau kơl, njŭn nau n'hêl Ðảng lăp tâm nau rêh.
 |
Bơh đah pah kan ma bon lan, đảng viên druh H'Oan H'ra (bơh chiau ti) hôm kơl bu nuyh bon lan n'hao nau wăng sa |
Y Sơn