Ntơm sa ơm, nô tăm mbo, bum blang gơi nơih mât chăm n’hanh ngăch n’sĭt prăk. Gĕh prăk rêl têm nkrem, nô nsrôih ôp nti, r’văt neh tăm ca phê, điều, tiêu, tơm tăm sa play n’hanh r’văt măy dŏng bư mir jan ba. Tât abaơ, r’năk nô gĕh dăch tât 20 hec ta neh bư mir. Tâm nĕ gĕh, 10 hec ta neh tăm ca phê, 10 hec ta tiêu, điều, sầu riêng, tơm đôr, bơ… Bơh đah mât chăm ăp ntil tơm, nô K’Ba ndâk nkra wâl iĕt sŏk dak mlăng; r’văt rdeh dŏng tâm r’năk ncho n’hanh rdeng bu nuyh bon lan, joi gĕh nau pah kan âk ma ăp bu nuyh bon lan tĕng yăn kan. Tâm du năm, jêh tâm prăk dŏng pah kan lor, nô K’Ba gĕh n’sĭt ntơm 500 – 600 r’keh prăk. K’Ba jêng r’năk blau pah kan, gĕh nau rêh đăp mpăn.
 |
Dơi mât chăm di kĩ thuật, 10 hec ta ca phê ta r’năk nô gĕh âk ngăn play |
 |
Nô K’Ba gĕh wâl iĕt sŏk dak mlăng gơi r’văt ndu ndơ bu nuyh bon lan gĕh bư mir jan ba |
 |
...nô r’văt 3 rdeh woai neh, rdeh rdeng ndơ, rdeh ô tô dŏng tâm r’năk n’hanh kơl rdeng bu nuyh bon lan |
A Trư