Nau n'hêl Rbŭn têh Ðảng bộ n'gor Dak Nong tâ XII, năm pah kan 2020 - 2025 trĕng ăp ntil nau pah kan kh'lay ta ăp năm bơh kơi: "N'hao nkra ntŭk hăn pâl ân bu năch tă bơh nau kan hao dŏng uĕh ndơ gĕh, ăp ntil ndơ kh'lay tâm nau way - nau uĕh sinh thái, Kông viên neh ntu lam ăp bri dak UNESCO Dak Nong”; "mât mray, hao dŏng uĕh nau way ăp bu nong; ndâk njêng ntŭk rêh n'hanh nau rêh gĕh nau way uĕh lăng..."
Tă bơh nĕ, n'gâng kan bri dak, ăp phung kan nsrôih pah kan mât mray n'hanh hao dŏng uĕh ăp ntil ndơ kh'lay tâm nau way bon lan bu nong iê bu nuyh tâm lam n'gor. Tâm nĕ gĕh Nau mĭn kan, mât mray n'hanh hao dŏng uĕh nau way vâng tanh bơh ăp bu nong iê bu nuyh ta Dak Nong bơh N'gâng kan Nau way -Pâl mpât săk jăn n'hanh Ntŭk hăn pâl. Tâm nĕ, gĕh nkah nau kan mât mray nau way vâng tanh bơh ăp bu nong iê bu nuyh rêh tâm Kông viên Neh ntu lam ăp bri dak UNESCO Dak Nong ta xă Ea Pô (Čů Jŭt). Nau kan aơ uănh kh'lay ndơ kan hao dŏng uĕh ăp ntil ndơ kh'lay tâm nau way bon lan bu nuyh Thái ta aơ...
Jrô kan Nau way ăp n'qual Dak Glong, Krông Nô, Čů Jŭt... lĕ kơl n'hanh dôl kơl, ndâk njêng nau nchră kan mât nau K'dŏ khèn bu nong Mông, Bư brah Lồng tồng bu nong Tày (Dak Glong); Khua luống, k'dŏ chĭng bu nong Thái, Ðơn tính - Mprơ then bu nong Tày Nùng, Bư brah cấp sắc bu nong Dao (Krông Nô); Câu lạc bộ : "Mprơ then - Ðơn tính" (Čů Jŭt)...
 |
Nau kan tanh rup bơh bu nong Bu Nong dơi bu mbơh, mpơl ta tâ Rbŭn pâl nau way vâng tanh Việt Nam tâ II |
 |
Jrô kan Nau way ăp n'qual Dak Glong ndâk njêng nau nchră kan mât mray, hao dŏng nau K'dŏ khèn Mông, Bư brah Lồng tồng bu nong Tày |
 |
Phung k'dŏ mprơ thôn Nam Thanh, xă Nam Xuân (Krông Nô) mât chĭng goong, Khua luống bơh bu nong Thái dơi n'qua kơl ân |
 |
K'dŏ Yău môr meo dơi bu nuyh Tày, Nùng xã Nam Xuân (Krông Nô) mât mray |
 |
Nau k'dŏ Khua luống bu nong Thái xă Nam Xuân (Krông Nô) |
Minh Huyền